السلام عليكم ورحمة الله وبركاته.
اعرض عليكم مشكلتي ومعاناتي اللي دمرتني وكلي ثقة بالله ان حالتي تتغير إلى الأحسن بعد ما استنفذت جميع الحلول
بدت معاناتي من عمر 18 سنه بعد ماحسيت ان ريحة جسمي تتغير
حاولت بكل الطرق نظافة واستحمام وديودرنت مافي فايدة سلمت امري لله
وانطويت على نفسي وانعزلت ..الحمدلله وبفضل من الله تزوجت ويبت عيال وبمشقة ومجهود كبير ماخليت زوجي يلاحظ هالشي قمت اتحمم باليوم اربع مرات مايشم مني الا الروايح العطره والبخور والطيب
لكن انا شبه منعزله.. لا حفلات ولاعروس ولازيارات ولاعندي صديقات
وراضية بقسمتي
من فتره حسيت ان الريحة صارت قويه وماني قادره اتحكم فيها ومن كثر استخدام الشبه والمسك صار فيني فطريات وعالجت عند طبيب جلديه واهني صارحت زوجي بمعاناتي وربي لك الحمد دعمني وساعدني
كل هذا الألم انا صابره عليه لكن اللي حطمني وماني قادرة اتحمله
لما بنتي ابلغت صار فيها نفسي حاليا عمرها13 سنه وياقلبي
ريحتها فظيعه ...يعمري ماني عارفه شسوي وين اروح وشلون ادبر عمري
حاليا امربمرحلة اكتئاب حاده بس انام ومالي خلق شي نفسيتي بالحظيظ
دايما متوتره واعصابي مشدوده واهملت نفسي دموعي موراضيه توقف
لما اشوف بنتي بهالحاله. اقول ياريت الارض تنشق وتبلعني
حبيبتي مادري ريحتها مثل ريحة الرياييل والعمال لاتطاق
اخليها تتحمم ويبت لها صابون طبي وعطيتها مسك لكن مع الريحه شي ثاني
احاتيها بالمدرسه وخايفه احد يجرحها من المعلمات او البنات
المشكله ان مافي عرق فقط ريحة والا جان سويت ابر بوتكس
يارب ترحم حالي وحال بنتي
مادري فكري وين يروح اقول يمكن سحر؟؟؟؟ احدمسويلي *** لان قبل زواجي لقينا *** في بيتنا باسمي
واحيانا اقول ابتلاء واصبر نفسي
اندمرت وتحطمت وراضية بقسمتي معاناتي مايعرفها الاربي وزوجي وامي واهم اللي استمد منهم قوتي
واحيانا انهار اقوم من النوم ابجي وانهار وانا بالسياره ابجي وانا في البيت ابجي لاحول ولاقوة إلا بالله
يارب تصبرتي وترفع عني وعن بنتي هالابتلاء
انا خذيت تصيبي من الدنيا بس خايفه على هالبنت لاتتعقد وتمر بالمراحل اللي مريت فيها
معاناتي صار لها اكثر من25 سنه والحين بنتي من صار لها هالشي سنتين
اخب اضيف ان يتني فتره انقطعت مني هالريحه النتنه وقعدت تقريبا شهرين بدون اي سبب وماصدقت شلون وماني عارفه شي غير ومن مثر ما انا مومصدقه قمت ماتحمم يومين واخذ ملابس واشمها مافيها ريحه
وتغيرت نفسيتي وقمت اطلع واضحك وصرت اجتماعيه والناس حسوا فيني
اني متغيره وطلعت عن عزلتي لكن ردت حالتي مثل اول مايمديني افرح
حاليا عمري 42 سنه والحمدلله ومسلمه امري لله
اصلي وادعي ربي على امل الشفاء واستغفر واقوم الليل
يارب ترفق بحالي وحال بنيتي وتغيره إلى الأفضل خايفه على نفسي
احس احيانا اني بصير مينونه او احتاج الى علاج نفسي
لاحول ولاقوة إلا بالله والحمدلله على كل حال
اعرض عليكم مشكلتي ومعاناتي اللي دمرتني وكلي ثقة بالله ان حالتي تتغير إلى الأحسن بعد ما استنفذت جميع الحلول
بدت معاناتي من عمر 18 سنه بعد ماحسيت ان ريحة جسمي تتغير
حاولت بكل الطرق نظافة واستحمام وديودرنت مافي فايدة سلمت امري لله
وانطويت على نفسي وانعزلت ..الحمدلله وبفضل من الله تزوجت ويبت عيال وبمشقة ومجهود كبير ماخليت زوجي يلاحظ هالشي قمت اتحمم باليوم اربع مرات مايشم مني الا الروايح العطره والبخور والطيب
لكن انا شبه منعزله.. لا حفلات ولاعروس ولازيارات ولاعندي صديقات
وراضية بقسمتي
من فتره حسيت ان الريحة صارت قويه وماني قادره اتحكم فيها ومن كثر استخدام الشبه والمسك صار فيني فطريات وعالجت عند طبيب جلديه واهني صارحت زوجي بمعاناتي وربي لك الحمد دعمني وساعدني
كل هذا الألم انا صابره عليه لكن اللي حطمني وماني قادرة اتحمله
لما بنتي ابلغت صار فيها نفسي حاليا عمرها13 سنه وياقلبي
ريحتها فظيعه ...يعمري ماني عارفه شسوي وين اروح وشلون ادبر عمري
حاليا امربمرحلة اكتئاب حاده بس انام ومالي خلق شي نفسيتي بالحظيظ
دايما متوتره واعصابي مشدوده واهملت نفسي دموعي موراضيه توقف
لما اشوف بنتي بهالحاله. اقول ياريت الارض تنشق وتبلعني
حبيبتي مادري ريحتها مثل ريحة الرياييل والعمال لاتطاق
اخليها تتحمم ويبت لها صابون طبي وعطيتها مسك لكن مع الريحه شي ثاني
احاتيها بالمدرسه وخايفه احد يجرحها من المعلمات او البنات
المشكله ان مافي عرق فقط ريحة والا جان سويت ابر بوتكس
يارب ترحم حالي وحال بنتي
مادري فكري وين يروح اقول يمكن سحر؟؟؟؟ احدمسويلي *** لان قبل زواجي لقينا *** في بيتنا باسمي
واحيانا اقول ابتلاء واصبر نفسي
اندمرت وتحطمت وراضية بقسمتي معاناتي مايعرفها الاربي وزوجي وامي واهم اللي استمد منهم قوتي
واحيانا انهار اقوم من النوم ابجي وانهار وانا بالسياره ابجي وانا في البيت ابجي لاحول ولاقوة إلا بالله
يارب تصبرتي وترفع عني وعن بنتي هالابتلاء
انا خذيت تصيبي من الدنيا بس خايفه على هالبنت لاتتعقد وتمر بالمراحل اللي مريت فيها
معاناتي صار لها اكثر من25 سنه والحين بنتي من صار لها هالشي سنتين
اخب اضيف ان يتني فتره انقطعت مني هالريحه النتنه وقعدت تقريبا شهرين بدون اي سبب وماصدقت شلون وماني عارفه شي غير ومن مثر ما انا مومصدقه قمت ماتحمم يومين واخذ ملابس واشمها مافيها ريحه
وتغيرت نفسيتي وقمت اطلع واضحك وصرت اجتماعيه والناس حسوا فيني
اني متغيره وطلعت عن عزلتي لكن ردت حالتي مثل اول مايمديني افرح
حاليا عمري 42 سنه والحمدلله ومسلمه امري لله
اصلي وادعي ربي على امل الشفاء واستغفر واقوم الليل
يارب ترفق بحالي وحال بنيتي وتغيره إلى الأفضل خايفه على نفسي
احس احيانا اني بصير مينونه او احتاج الى علاج نفسي
لاحول ولاقوة إلا بالله والحمدلله على كل حال
حياتي تدمرت
ليست هناك تعليقات:
إرسال تعليق