تجهيزي بالتفصييل مع الاسعار وبعض التعليقات

السلام عليكم ورحمة الله وبركاته





شلوونكم عراااسيناا

وشلون لوية التجهيز والسوق والرمضان







بقولكم جدولي بالتفصيييل عشان اللي حابه تاخذ افكار







وهم ابيكم تنصحوووني قبل ماابلش اشتري









اول شي انا دايما اقول السووووق ماراح يطيييير

وتعلمت من غلطات خواتي بالمنتدى ان يكثرون الاشياء اللي مالها معنى مثل كريمات وعطور وتناتيف فاضيه





وبما ان هالشغلات متوفره حابه اركز عالاشياء المهمه لان مابي اوصل لمرحله اكون مفلسه لوووول



بحطلكم الجدول بعدين بعلق عليييه







عطور حطيتلهم 150 لان لو شريت وايد راح استعمل واحد مااحب كل يوم عطر غير فقلت اكتفي بعدد قليل واكييد بعدين بشتري

3 فرنسي

1 بخور

1 عطر مميز ثقيل

1 باكيج كريمات جسم وشاور جل



ميك اب حطيت 100 اولا لان عندي مكياجي مافيه شي وغالي حرام اشتري غيره على ماله معنى ،، بس قلت اشتري الاشياء الاساسيه اللي افضل يكونون يدد عشان سيدا بجنطة السفر وماافتحها

حمايه من الشمس

فاونديشن فل كفرج

فاونديشن يومي خفيف

حمر 3 اساسيه

محدد شفايف 3 اساسيه

كحل سائل

كحل قلم 4 ازرق اسود اخضر لحمي

ماسكرا 2

بلاشر 3

عدسات ملونه 2



حطيتلهم 150 صراحه مادري جم اسعارهم بس تقريبي :)

سشوار

ستريتر

الة نزع الشعر مادري مااتوقع احتاجها لان مسويه ليزر واستخدم امواس بس مني لي ذاك الوقت مايندرا :)

مشوط



ساعه حاطه ببالي وحده

بمبلغ مايتعدا 1500 لان ماودي اقط على ساعات عاديه وكل مره اشتري وحده ساعه وحده تسد عيوني لووول



جناط حبيت اخذ 2 يدد وحده كلاسيك ووحده حق الدوام و اكيد جناطي اللي استخدمهم الحين باخذهم معاي :)

جنطه كلاسيك 900

جنطه يوميه 300



جواتي 500 حطيت هالمبلغ تقديري لان بنوع بين الماركات العاديه مايتعدا 100 والجواتي اليوميه العاديه ب20 وجذي





الملابس الشي اللي معقدني :((( لان مادري الكميه جم احتاج :/ اكيد باخذ معاي ملابسي اللي ببيت اهلي لان ماشافوهم علي بس هم لازم يدد ومادري شكثر اشتري :((



ملابس داخليه 100 حاطه ببالي مايتعدون 24 قطعه لان بعدين بقيس حاجتي واشتري زياده



قمصان 300 مادري جم اسعارهم ! قلت مثلا اشتري نفانيف 10 بين الطويل والقصير وهم اشتري بجامات الحرير 10 اطقم هالعدد اقل شي ممكن افكر اشتريه لان اكيد باول شهر مااقدر اروح السوق براحتي فحق شهر وبعدين اشتري على حسب الوضع وشنو ارتحت عليه



دراريع البيت 500 ان شالله تكفي لان اكيد احتاج مو اقل من 20 لان بيت حموله وبلبس بشكل يومي بس هم بشتري بالمعقول وبعدين اخيط



بدلات يوميه 500 حق الدوام قمصان خفيفه يعني حاطه ببالي اذا 500 اقدر اشتري 25 قميص كميه راهيه بس ان شالله احصل p;

وطبعا اكيد باخذ بدلاتي اللي ببيت اهلي

وهم بنطلوناتي عندي كل الالوان وبعضهم بالتاق مالهم



بدلات زواره وعشا برا 500 سوالف تنانير ونفانيف طويله وبدلات رسميه كشخه اعتقد بال500 اشتري 7 او 8 الله يسهل ان شالله :)



عبايتين 200 احتاج بس عبايتين وحده ساده ووحده كشخه لان مو نوعي البس عبي بس قلت سبحان الله لو احتجت الا عندي



ملافع 100 عندي ملافع الوان بس مبين ملبوسين فلازم اشتري نفسهم بس يدد ،، شيفونات واقطان



التوتال 5800











اول شي انا كتبت الاشياء المهمه واللي لازم تكون من اولوياتي

وماكثرت والله حطيت شي معقووول

طلعت الميزانيه 5800 :))) بدون النفنوف الابيض ولا الصالون ولا اي شي يتعلق بليلة العرس

وهم لما خلصت تذكرت اني ماحسبت حساب ولا اي اكسسوارات لا عاديه خفيفه حق كل يوم ولا شي ثقيل حق مناسبات :))))



مهري 7000 فبجذي يبقا من المهر 1200 !!!! يعنيييي كلش مايكفي :/ وهالوضع حدا طارئ !!!

لان اكيد ابي شغل ليلة العرس من نفنوف وصالون والى اخره

وهم قبل العرس بقط على الصالونات لزوم العنايه



شنو الشي الغلط بالموضوع ؟؟ و هل لان المهر مايكفي ؟؟؟؟

كنت حاطه ببالي اهلي مايحطون ايدهم بولا شي بس شكله لازم يساعدوني :)))

via منتديات كويتيات النسائية http://www.q8yat.com/t1138766.html