فضل سوره البقرة(قال الرسول صلى الله عليه وسلم(اقراوا سورة البقرة فان اخذها بركة،وتركها حسرة ولاتستطيعها البطلةاي السحرة).
سبحان الله تاملو في الحديث قراتها فيها بركة على الانسان
وتركها حسرة على الانسان
ومن قراها لم يستطيع عليه السحرة
قال الرسول صلى الله علية وسلم لاتجعلوا بيوتكم مقابر،ان الشيطان ينفر من البيت الذي يقراء فية سورة البقرة
بتقولون طويله
ابقولكم سبحان الله لو عندنا مناسبة جلسنا ساعه قدام المراية نتزين ونتظبط
والا اذا فيها تمشية ووساعه صدر ماعاقنا شي على طول نروح
عافيتك وساعدتك في يديك..فيك مرض عضوي او نفسي
عندك مشكله
انصحك بقراة سورة البقرة
وعلى طاري سورة البقره تذكرت سالفه .
فيه حرمه دقت على احدى الداعيات وقالت لها انا وعندي بناتي الثلاث
حياتنا متدهوره ووضعنا صعب
بناتي اللي مطلقه واللي معلقه واللي تاخرت ماتزوجت
والمشكله تجينا من كل مكان
وعايشين ب هم وغم وضيقة صدر ماتنطاق
قالت لها الداعيه ابغاك انتي وبناتك تقرون سورة البقره كامله يوميا
لمدة 40 يوم وبعدها ارجعي وكلميني
وبعد 40 يوم اتصلت الحرمه وقالت حصل شي غريب !
اليوم كلنا استفرغنا !
قالت الداعيه ارجعوا اقروها مره ثانيه ولمدة اربعين يوم وارجعي كلميني
وبعد اربعين يوم رجعت وكلمتها قالت اني وبناتي كلنا حلمنا باختي!
قالت الداعيه طيب ارجعوا واقروها 40 يوم وارجعوا كلموني
وبعد اربعين يوم اتصلت الحرمه وقالت ان اختي اللي حلمنا فيها
تعبانه ومايدرون وش فيها
قالت لها ان ((اختك كانت ساحرتكم))
واللحين انقلب سحرها عليها
وانا من تجربتي .
في فتره كنت اعاني من ظروف صعبه
وكانت نفسيتي دمااار انام وانا اصيح واصحى وانا اصيح
معاد اشوف قدام عيوني غير سواد من الحزن اللي فيني
وقالت لي اختي جربي تقرين لو كل يوم جزء من سورة البقره
وان شالله بتفيدك وصرت يوميا اقرا 4 وجوه اول مااصحى
كم يوم وانا الحمدلله تحسنت كثييير نفسيا \ جسميا
بديت ارجع لطبيعتي والاهم من هذا كنت احس بطمانينة حلووه
وكل ماخلصت رجعت وبديت فيها وياربي لك الحمد
ياكثر ياكثر من فادتهم هالسورة المباركة
اعرف وحده قسم بالله قدام عيوني زوجها صاد عنها ولا يناظرها لاهي ولا عيالها ودايم صاك على نفسه الباب عند الدش
ومن شاروا عليها بالبقرة وهي تقراها وتدعي ربها ومتيقنه بفرج رب العالمين
هالحين قسما بالله الرجال مغير يناظر امورها ويشوف وش تحب ويزكها فلوس وهي مغير تحمد ربها
العلاج سهل الله ينور بصايرنا ويفتح على قلوبنا.
فائدة سورة البقرة وفضل قرائتها
ليست هناك تعليقات:
إرسال تعليق